20 наурызда №32 мектеп-гимназиясында 1 «В», 1 «Г», 4 «М» сыныптарында (мұғалімдер: Омарова А.Т., Сотникова Н.И., Зикирина Б.Б.) көктемнің жарқын мерекесі – Наурыз тойланды.
Мереке басында оқушылар танымдық бейнеролик тамашалап, бұл мейрамның мәні мен маңызы туралы көптеген пайдалы ақпарат алды. Одан кейін өлең оқып, ән шырқап, домбырада ойнап, өз өнерлерін көрсетті. Сондай-ақ, ұлттық дәстүрлердің бірі – Қыдыр атаның батасы көрсетілді. Ата-аналардың бірі балаларды қазақтың «Бесікке салу» дәстүрімен таныстырып, оның мағынасын түсіндірді. Сонымен қатар, оқушылар жұмбақ шешіп, жауабын қазақ тілінде айтып, өздерінің тілге деген сүйіспеншілігін көрсетті.
Оқушылар ұлттық ойындарға да белсене қатысты. Олар «Арқан тартыс», «Бәйге», «Ұшты-ұшты» сынды дәстүрлі ойындар ойнап, ерекше көңіл күйге бөленді.
Мереке соңында хореограф Гүлшат Мұхтарованың жетекшілігімен «Қара жорға» би флешмобы ұйымдастырылды. Мереке оқушыларға ұмытылмас әсер сыйлады.

https://www.instagram.com/reel/DHfjmIdMJZI/?utm_source=ig_web_copy_link&igsh=MzRlODBiNWFlZA==